Este venres deu comezo o obradoiro “palabras creativas” no marco do proxecto Ler Conta Moito, da Conselleria de Cultura e Educación Universitaria, e que ten lugar na biblioteca Municipal de O Saviñao, ao longo deste mes de abril.

Nesta ocasión o obradoiro permite indagar na aventura de seren escritores/as creativos/as dende o xogo coas palabras dun xeito ameno e divertido. Inventar novas palabras, desenvolver historias encadenadas ou xogar a caixa máxica das palabras son pasos previos fundamentais para ser escritores/as creativos/as.

Aqui tedes un enlace á presentación do obradorio dende a Biblioteca Municipal de O saviñao:

https://bpmsavinao.wordpress.com/2016/03/27/obradoiro-palabras-creativas/

No marco do programa “Ler conta Moito” da Consellería de Cultura, Arelar desenvolve unha actividade denominada “palabras creativas”, e que pretende ser un espazo dinámico para desfrutar da lectura dende diferentes ópticas. Aqui deixámosvos un video ilustrativo da actividade, desenvolvida na Biblioteca Municipal do Porriño.