Category Archives: EDUCACIÓN SOCIAL

Saídas profesionais na educación social

Arelar ven de participar ao longo da mañá na xornada formativa  “Unha mirada ás saídas profesionais das Educadoras e Educadores Sociais” dirixida ao estudantado de grao de Educación Social, e que pretendía achegar diversas saídas profesionais propias do alumnado de educación social en ámbitos diversos,  e que poideran ser do seu interese no proceso de saída ao mercado laboral.

Arelar foi convidada para desenvolver a videoconferencia “Educación social e desenvolvemento comunitario: Que posibilidades ofrece a iniciativa privada?” na que se pretendeu identificar claves para o desenvolvemento dun proxecto profesional encamiñado ao autoemprego, e que conexións ofrece co desenvolvemento comunitario, identificando ferramentas específicas de moita utilidade para a realización de proxectos de carácter comunitario.

A Xornada foi realizada en formato en liña e foi organizada pola Facultade de Ciencias da Educación da Universidade de Santiago de Compostela  e a Área de Orientación Laboral e Emprego da USC e o Ceesg.

Agora máis ca nunca….o importante son as persoas

Estamos a pasar unha pandemia que está a mudar moitos aspectos da nosa vida cotiá, e que está sendo devastadora na nosa sociedade (persoas afectadas, falecementos, estrés do sistema sanitario, impactos económicos en todolos sectores sociais, ruptura dos hábitos sociais e de relación…).

Que a nosa sociedade saia airosa desta situación vai a depender de que cada quen faga a súa achega (administracións, empresas, tecido social, cidadanía…) para  facer fronte a un reto sanitario, económico e social sen precedentes, e no que a educación social tamén debe xogar o seu papel….

Por iso máis ca nunca……o importante son as persoas

Educación social, politicas culturais e intervención socioeducativa a debate

Esta semana ven de celebrarse unhas xornadas sobre “Políticas culturais, xetión cultural e animación sociocultural, unha mirada dende a educación social” onde un grupo de alumnado estudante de educación social deseñou estas xornadas para establecer unha ollada a educación sociocultural dende a perspectiva sociocultural.

Arelar tivo a oportunidade de participar nunha das mesas redondas para achegar a súa visión sobre o perfil da educación social no manexo de instrumentos do ámbito cultural para a intervención socioeducativa, dende óptica do desenvolvemento da iniciativa privada.