Archives

Comeza a segunda edición do proxecto de teatro foro para a educación en valores

Ven de presentarse no Concello de Santiago a segunda edición do proxecto de Teatro Foro, que pretende promover a educación en valores dende a aplicación do teatro foro como ferramenta transformadora

Ao redor de 500 alumnos e alumnas de 3 centros de Compostela van a participar no proxecto de teatro foro para a educación en valores, para abordar diversas problemáticas que lle son cercanas e sobre as cales teñen moito que dicir e facer.

Deste xeito, alumnado de ESO, ou FP participarán neste proxecto creando as súas propias pezas teatrais e sobre todo xerando un recurso didáctico de primeiro orde para abordar o acoso escolar, a prevención das drogodependencias, a violencia de xénero ou o machismo como eixes de sensibilización.

Ler máis…

O Ciberbullying a debate no IES Castro Alobre

Ao longo desta semana o alumnado de 3º PMAR desenvolve unha serie de teatros foro para abordar a problemática do ciberbullying para todo o alumnado de 2º de ESO do centro.

O alumnado de 3º de PMAR leva traballando ao longo do trimestre na creación dunha peza de teatro foro (“Noelia”) na que abordan a problemática do ciberbullying dentro dun centro educativo. O alumnado participante creou as diferentes situacións e personaxes da peza, a partires das súas percepcións e inquedanzas.

O resultado final é unha peza de 18 minutos de duración que representan para os 5 grupos de 2º de ESO en cinco sesións, e que serve como recurso educativo para abordar esta problemática: analizar o papel dos espectadores ante situacións de bullying ou ciberbullying, estratexias de protección da vítima, aspectos que seven para detectar situacións problemáticas, ou que facer ante un caso no noso centro.

Ler máis….

A prevención das drogodependencias dende unha ollada diferente

Ven de comezar no IES Pontepedriña un traballo de prevención de drogodependencias co alumnado de FP Básica de Comercio que  a través da metodoloxía do Teatro Foro, crean unha peza teatral que posteriormente será representada a diferentes grupos de 4º de ESO do centro, e que permitirá abordar a problemática dende unha óptica diferente, obrigando ao alumnado a un traballo vivencial sobre as estratexias para afrontar situacións de presión de grupo, de afrontamento de conflitos entre iguais ao redor de consumos, a comunicación no seo familiar, etc…

O alumnado participante (18 en total) crea as situacións onde se desenvolve a peza, froito das súas percepcións e inquedanzas, de cara a abordar a prevención dende as dificultades dun personaxe central na súa relación problemática coas drogas.

Ler máis…