Archives

A transformación social a través do teatro foro

Hoxe ven de iniciarse o proxecto de teatro foro para a educación en valores que por tercer ano consecutivo desenvolve un traballo moi intenso en diferentes institutos de secundaria de Santiago de Compostela, e que pretende achegar a profesorado e alumnado unha ferramenta para a educación en valores e propiciar a transformacion de determinadas realidades dende a implicación directa do alumnado.

Nesta edición son 5 os centros educativos que van a impulsar o proxecto dende as súas aulas: IES Rosalía de Castro, IES Xelmírez I, IES Xelmírez II, IES Pontepedriña e IES Sar.

Así mesmo, as temáticas que se abordarán dende os diferentes centros son moi variadas e reflicten o interese da comunidade educativa en torno a aspectos tan variados como a realidade LGTB, prevención de drogodependencias, o acoso escolar, racismo e xenofobia, violencia de xénero, etc…

Ler máis…

A prevención das drogodependencias dende unha ollada diferente

Ven de comezar no IES Pontepedriña un traballo de prevención de drogodependencias co alumnado de FP Básica de Comercio que  a través da metodoloxía do Teatro Foro, crean unha peza teatral que posteriormente será representada a diferentes grupos de 4º de ESO do centro, e que permitirá abordar a problemática dende unha óptica diferente, obrigando ao alumnado a un traballo vivencial sobre as estratexias para afrontar situacións de presión de grupo, de afrontamento de conflitos entre iguais ao redor de consumos, a comunicación no seo familiar, etc…

O alumnado participante (18 en total) crea as situacións onde se desenvolve a peza, froito das súas percepcións e inquedanzas, de cara a abordar a prevención dende as dificultades dun personaxe central na súa relación problemática coas drogas.

Ler máis…

Nais e pais achéganse ao ciberbullying

Onte comezaron as sesións formativas dirixidas a nais e pais, dos centros de educación secundaria de Vilagarcía de Arousa, no marco do proxecto de prevención do ciberacoso que se desenvolve ao longo deste curso escolar.

Onte empezaron as sesións formativas co IES FERMÍN BOUZA BREY as 18´15h. en cada centro desenvólvense dúas sesións formativas, para o traballo educativo e preventivo de nais e pais ao redor desta problemática.

Arelar desenvolve a coordinación técnica do proxecto con actuacións dirixidas a familias e ao alumnado de 4 centros de educación secundaria.

A continuación, achegamos unha entrevista a arelar ao redor desta iniciativa en Cadena ser (Radio Arosa)

entrevista a arelar_formacion ciberacoso nais e pais_