Archives

“Comparte e expresa” en Aspnais

Ao longo do 6 e 7 de outubro tivo lugar en Aspnais (Lugo) un obradoiro titulado “Comparte e expresa” dirixido a traballar ao redor das ferramentas comunicativas de cara a falar en público. Ao obradoiro asisitiron 15 usuarios e usuarias de Aspnais para mellorar as súas estratexias de comunicación na súa vida cotiá.

O obradoiro dividido en 4 sesions de traballo permitiu desenvolver traballos en pequeno grupo e con metodoloxías participativas poñendo en práctica, habilidades e técnicas comunicativas abordando aspectos tan diversos como efectuar unha petición publica a administración, reclamación de dereitos dos usuarios e usuarias de aspnais e loita contra os prexuizos hacia persoas con diversidade funcional, ou comunicar as actividades que se desenvolven dende a asociación.

O traballo do grupo foi moi produtivo e con moita ilusión, xerando un espazo de aprendizaxe compartida moi satisfactorio.

Esta formación foi promovida por FADEMGA  nas instalacións de aspnais en Lugo, e arelar desenvolveu a súa docencia.

O teatro foro como ferramenta transformadora

Ao longo deste trimestre estívose desenvolvendo o proxecto de teatro foro nos centros educativos de educacion secundaria en Santiago de Compostela. Neste trimestre desenvolvéronse dúas pezas no IES Pontepedriña, e no IES de Sar, dirixidas a abordar a prevención das drogodependencias e o acoso escolar respectivamente.

A potencialidade deste proxecto reside na implicación do alumnado en todo o proceso creativo e interpretativo, xerando un recurso didáctico de gran potencialidade para chegar ao alumnado dos seus respectivos centros.

Ler máis…

O encontro de voluntariado miúdo permite compartir experiencias e proxectos

O pasado venres 3 de xuño os centros participantes no voluntariado miúdo participaron nun encontro que misturou a o contexto virtual co presencial, como paso previo ao tan desexado encontro presencial do alumnado para o vindeiro curso.

Ao longo do encontro sete centros educativos compartiron as súas experiencias e proxectos de voluntariado e solidaridade e que impulsaron ao longo do curso. O resultado final foron proxectos do máis diverso, e que permitiron abordar temáticas tan diversas como o voluntariado ambiental, o voluntariado interxeracional, a inclusión dos cans na aula para o traballo en valores, a diversidade funcional, ou iniciativas solidarias cos habitantes da Palma, entre outras.

Ao encontro asistiron a Directora Xeral de Xuventude, Participación e Voluntariado Cristina Pichel, e a Xefa de Servizo de Voluntariado e Participación Pilar Martínez, para que puideran coñecer de primeira man as diferentes iniciativas do Voluntariado Miúdo.

Presencialmente acudiron á Cidade da Cultura no Salón Xosé Neira Vilas dous centros educativos (CEIP Isidro Parga Pondal e o CEIP San Tomé) para compartir “in situ” os seus proxectos.

Na segunda parte do encontro o alumnado efectuou propostas concretas para o desenvolvemento de vindeiros encontros xa nun formato presencial, e onde se achegaron innumerables ideas e propostas moi interesantes.