Ao longo deste curso escolar, o departamento de Mocidade do Concello de Santiago está a impulsar un proxecto piloto de teatro foro en diversos centros educativos da cidade. O obxectivo é impulsar a realización dun teatro foro ao redor de temáticas de interese para alumnado e profesorado, empregando o teatro foro como instrumento canalizador. Nesta fase do proxecto o IES Xelmirez I, IES Xelmirez II e IES Pontepedriña, participan do proxecto creando diversas pezas teatrais para abordar denden esta metodoloxía pertencente ao teatro do oprimido de Augusto Boal.
As temáticas son diversas e permiten traballar ao redor de situacións moi próximas á realidade do alumnado participante. Deste xeito, o ciberacoso, a violencia de xénero ou a prevención de drogodependencias son algúns dos eixos vertebradores dos diferentes teatros foros.
Archives
A radio: un instrumento para o desenvolvemento comunitario
Ven de presentarse os resultados do proxecto de radio comunitaria para a educacion en valores no barrio de Conxo, e que implicou a 5 entidades do barrio (fundación Down Compostela, IES Eduardo Pondal, CEIP Quiroga Palacios, CSC de Conxo e Asociación Dignidade) na elaboracion dunha serie de programas radiofónicos vencellados ao territorio ( o barrio) e aos diferentes centros de interese dos seus protagonistas : o colectivo infanto-xuvenil do barrio.
O resultado final foron unha serie de podcast onde se abordaron temas moi dispares( educación, a loita contra a discriminación, promoción da diversidade, educación, historia do barrio, cultura e lingua, etc…), que contaron coa implicación dos seus protagonistas no proceso de elaboración dos diferentes contidos, deseño do guión, etc…
A educación en valores a través da radio comunitaria
A radio pode ser un elemento de gran interese para traballar a educación en valores dende unha perspectiva comunitaria. este é o obxectivo do proxecto de radio comunitaria que dende a concellería de Políticas Sociais, Diversidade e Saúde do Concello de Santiago de Compostela se está a impulsar ao longo deste último trimestre do ano.
No proxecto participan varias entidades do barrio de Conxo ( Cruz Vermella, Centro Sociocultural de Conxo, Asociación Dignidade, IES Eduardo Pondal, Fundación Down Compostela e CEIP Quiroga Palacios), e que permiten dotar ao proxecto dun carácter diverso e enriquecedor, dende unha dobre perspectiva: a visión do barrio dende as diferentes entidades participantes, e os centros de interese de cada colectivo implicado na elaboración dos programas.
O resultado final son unha serie de programas de radio, que se poderán escoitar a través dos seus respectivos podcast, e que posibilitaría a produción de contidos radiofónicos xerados pola comunidade para a propia comunidade.