Archives

A transexualidade dende a óptica do teatro foro

Arelar leva dinamizando dende finais do ano pasado un proxecto de teatro foro, promovido polo Concello de Teo, dirixido a analizar, sensibilizar e procurar alternativas para afrontar as situacións de opresión que en ocasións, sofren aquelas persoas que se atopan nun corpo que non é o que lle corresponde. Toda esta “loita interior” leva consigo asociada a procura da comprensión por quen rodea á persoa transxénero: familia, amizades, alumnado do instituto, profesorado, etc….

A procura do apoio, a comprensión e poder exercer os nosos dereitos son os eixos sobre os que un grupo de 10 alumnos e alumnas do IES cacheiras levan traballando, para representar unha serie de sesións de teatro foro cos seus propios compañeiros e compañeiras, para abordar a realidade LGTB, dende a construción dunha peza teatral que tenta describir unha realidade  que precisa da nosa implicación e compromiso.

ler máis…

O teatro foro como instrumento para o traballo en valores nos centros educativos da cidade

Ven de presentarse hoxe dende a Concellaría de Mocidade do Concello de Santiago, o proxecto de “Teatro-Foro” que se está a desenvolver como proxecto piloto en 3 centros educativos da cidade (IES Xelmirez I, IES Xelmirez II e IES Pontepedriña).

O obxectivo deste proxecto reside en poder impulsar esta metodoloxía innovadora nos centros educativos como mecanismo para traballar problemáticas socioeducativas desde unha perspectiva transformadora, e de cambio da realidade, construíndo realidades de personaxes perfectamente achegados á realidade, e onde se pode abordar situacións moi diversas vencelladas á violencia de xénero, o acoso escolar, a prevención de drogodependencias, etc…

Ler máis….

A resolución de conflitos dende a xestión de grupos “diversos”

Arelar está a desenvolver unha formación ao profesorado do IES María Sarmiento de Viveiro, na que se abordan diversas ferramentas para a reolución de conflitos no quefacer cotiá do profesorado, ao tempo que se establecen estratexias e mecanismos que pretenden favorecer a convivencia dende unha perspectiva de centro.

Ao longo das 3 xornadas formativas impulsadas dende o CEFORE de Burela, partiuse das necesidades do grupo participante, en canto a xestión de aula, e das estratexias para o afrontamento de conflitos, para posteriormente ir revisando diversos recursos, e metodoloxías que permiten unha abordaxe integral do conflito segundo as situacións presentadas.

Ler máis…