All posts by ARELAR

II Foro da mocidade de Teo: Un espazo para a participación social

Vense de celebrar a pasada fin de semana o II Foro da Mocidade de teo, e que serviu como espazo para o debate e a participación en torno a diversos temas de interese para a mocidade.

Neste Foro, analizáronse estratexias para a comunicación coa mocidade, determinando estratexias e ferramentas para a comunicación. Así mesmo, establecéronse novas propostas de actividades para este curso escolar así como novos formatos que debe de adoptar o Foro da Mocidade de Teo no seu proceso de evolución.

Arelar desenvolveu a dinamización deste Foro.

A mocidade nas ondas!!

“A mocidade nas ondas” é un proxecto que Arelar desenvolveu conxuntamente en 3 concello galegos (Vedra, Boqueixón e Vila de Cruces) e que permitiu a mozos e mozas destes concellos experimentar na creación dun progama radiofónico dende unha perspectiva comunitaria e na que puideron indagar tamén nos seus intereses e inquedanzas.

O resultado final foi un podcast cun progama radiofónico froito da elaboración da mocidade e na que o elemento central é a visión xuvenil sobre o seu concello, ou aquelo que lle rodea.

Para a elaboración dos programas conformouse en cada concello un equipo de traballo de mozos e mozas que traballaron no deseño do programa, elaboración de contidos, gravación de cuñas publicitarias, elaboracion de reportaxes, etc…

radio-boqueixon
Un grupo traballandono deseño do programa “Boqueixove en onda”

O resultado final foron 3 programas de radio, xenuinos e dinámicos, que reflicten perfectamente o proceso de traballo elaborado. (“Somos Vedra”, “Boqueixove en onda” e “Crucesmanía”)

Deixámosvos aqui unhas mostras.dos mesmos:

Boqueixove en onda

Somos Vedra

O “crucesmanía” podes escoitalo premendo aqui abaixo:

 

 

Proxecto de voluntariado miúdo “Móvete”: Xornada de fin de curso

O pasado 21 de xuño, tivo lugar a xornada lúdica do programa de voluntariado miúdo “Móvete” e que serviu para poñer colofón ao programa neste curso escolar. A xuntanza tivo lugar no Albergue Xuvenil de Gandarío, e reuniu a 110 alumnos e alumnas dos 3 centros participantes (CEIP A LOMBA, CEIP DAS FONTIÑAS E CPI VIRXE DA CELA).

Ao longo da xornada o alumnado defrutou dunha aventura solidaria, elaborou un gran mural e defrutou de xogos na praia, sempre dende unha perspectiva colaborativa e reforzando os valores solidarios presentes en todo o programa.

Ao longo da xornada contamos coa presenza da Directora Xeral de Xuventude, Participación e Voluntariado Cecilia Vázquez,  que acompañou ao alumnado e profesorado para poñer fin á xornada, e facer entrega dos diplomas acreditativos .

Neste enlace pode ver algunhas das mellores imaxes da xornada