All posts by ARELAR

Radioencontro “A experiencia conta”: un espazo para a aprendizaxe interxeracional

Onte veu de celebrarse o radioencontro “A experiencia conta”, como colofón dun proxecto interxeracional no que se empregou a radio como instrumento de traballo para a creación compartida de aprendizaxes e vivencias entre persoas de diferentes xeracións, demostrando que a interxeracionalidade é un valor con gran impacto socioeducativo.

No proxecto “a experiencia conta” participaron diversas entidades para a creación dos diferentes programas radiofónicos: Concello de Vedra, Residencia As Dores (Lalín), ASociación Cultural O castro de Baión (Vilanova de Arousa), Centro de Maiores de Afundación de Betanzos, Cruz Vermella de Betanzos, CEIP Ramón Falcón (Castro de Rei), e Residencia San Xoan (Castro de Rei) foron os protagonistas desta experiencia interxeracional que tivo o seu culmen no radioencontro celebrado na Cidade da Cultura.

Ler máis…

A educación en valores a través da radio comunitaria

A radio pode ser un elemento de gran interese para traballar a educación en valores dende unha perspectiva comunitaria. este é o obxectivo do proxecto de radio comunitaria que dende a concellería de Políticas Sociais, Diversidade e Saúde do Concello de Santiago de Compostela se está a impulsar ao longo deste último trimestre do ano.

No proxecto participan varias entidades do barrio de Conxo ( Cruz Vermella, Centro Sociocultural de Conxo, Asociación Dignidade, IES Eduardo Pondal, Fundación Down Compostela e CEIP Quiroga Palacios), e que permiten dotar ao proxecto dun carácter diverso e enriquecedor, dende unha dobre perspectiva: a visión do barrio dende as diferentes entidades participantes, e os centros de interese de cada colectivo implicado na elaboración dos programas.

O resultado final son unha serie de programas de radio, que se poderán escoitar a través dos seus respectivos podcast, e que posibilitaría a produción de contidos radiofónicos xerados pola comunidade para a propia comunidade.

Ler máis…

Os maiores ocupan o escenario en Boqueixón

Arelar está a desenvolver un proxecto de teatro con persoas maiores no Concello de Boqueixón, a través dunha peza teatral chamada “Urxencias” e que parodia unha sala de urxencias dun hospital.

No proxecto están a participar 26 maiores de todo o concello ( de 55 a 92 anos) , amosando a súas gañas e ilusion neste proxecto teatral que culminará coa representacion desta peza cómica, e que pretende ser un espazo de traballo que ademais de traballar as dimensións escénicas e interpretativas, pretende ser un espazo de ocio, e de traballo educativo en diversas vertentes: memoria, habilidades sociais, autoestima, empoderamento social, etc….

Ler máis…